نصائح في تربية الاطفال

راح اكتب لكم الان كل شي عرفته , وكل شي جربته مع أخواني وشفت اثره , وراح اكتبهم على شكل نقاط علشان تكون اوضح


- اهم مرحله بعمر الطفل من مولده الى 7 او 8 سنوات تقريبا , يعني انتبهي لنفسيته وراعيها اكثر بهالعمر, لان أي شي ممكن يأثر فيه بهالفتره ويبقى اثره عليه لاخر العمر .

- اغمريه بمشاعر الحب والحنان , واعطيه كفايته من هالشي , علشان بعدين لما يكبر مايدور هالشي
بطريقه خطأ
وعلميه يقول الكلام الحلو , وعلميه كيف يعرف يعبر عنه بطريقه حلوه , تصدقون مره اختي اللي بالابتدائي اعطتها صديقتها هديه , وردت عليها اختي
بابتسامه , وبكل عفويه قالت ياعمري انتي والله احبك
قالت لها صديقتها عيب تقولين كذا هذا كلام المتزوجين وبس !!! وصدقوني اللي تتربى محرومه من الكلام الحلو راح يكون صعب عليها تقوله بعدين حتى مع زوجها .

- ازرعي بداخله بهالعمر حب الله وحب الرسول محمد صلى الله عليه وسلم , وحببيه باداب الاسلام وعلميه الاساسيات
بالدين , ومااعني بكلامي تسولفين للطفل عن الجهاد !
ولاتكرهينه بالكفار ولا مثل هالمواضيع لأ !! طبعا لا
واللي قصدته عوديه مثلا انو لما يبدأ بشي لازم يسمي , ولما يغلط يقول استغفر الله , ولما يحصل على نعمه
يحمد الله عليها , وذكريه كل فتره وقولي له انت تشوف وتسمع وتمشي وتحرك اطرافك , واعضائك كامله ومافيها مشاكل , وتقدر تحكي , وعندك اهل وبيت , وعندك لبس واكل وشرب بكل وقت , وودك هالنعم ماتروح منك ابد صح ؟
خلاص احمد ربي عليها بكل وقت وانتبه يمر يوم بدون ماتقول الحمد لله على كل نعمه . :lol:

-كلمي الطفل بكلام سليم ومفهوم , علشان يكون نطقه للكلمات سليم ومفهوم ولا تكلمينه بنفس نطقه هو للكلمات .

- احرصي على تحصين الطفل , علشان ترتاحين ان طفلك ان شاء الله مايضره شي وانتي مستودعته الرحمن , يعني ماراح تخسرين شي اذا عودتي هالطفل ينام على سورة البقره , كلها دقايق حمليها من النت وشغليها بالغرفه عنده قبل ينام , واول مايصحى من النوم حصنيه واستودعيه الرحمن , وانا يابنات لما قلت تحصين
مااقصد الوسوسه بهالشي , لان بعضهم لو تقولين لها الله بنتك طالعه اليوم قمر , وقبل تنطقين ماشاء الله تنشب بحلقك قولي ماشاء الله , ولو تطيح بنتها
بالصدفه , قالت بسم الله على بنتي صابتها عين !
واللي قصدته انو الانسان يحافظ عالتحصين ويتوكل على الرحمن


- ازرعي بداخله بهالعمر حب الله وحب الرسول محمد صلى الله عليه وسلم , وحببيه باداب الاسلام وعلميه الاساسيات
بالدين , ومااعني بكلامي تسولفين للطفل عن الجهاد !
ولاتكرهينه بالكفار ولا مثل هالمواضيع لأ !!
واللي قصدته عوديه مثلا انو لما يبدأ بشي لازم يسمي , ولما يغلط يقول استغفر الله , ولما يحصل على نعمه
يحمد الله عليها , وذكريه كل فتره وقولي له انت تشوف وتسمع وتمشي وتحرك اطرافك , واعضائك كامله ومافيها مشاكل , وتقدر تحكي , وعندك
اهل وبيت , وعندك لبس واكل وشرب بكل وقت , وودك هالنعم ماتروح منك ابد صح ؟
خلاص احمد ربي عليها بكل وقت وانتبه يمر يوم بدون ماتقول الحمد لله على كل نعمه .

-كلمي الطفل بكلام سليم ومفهوم , علشان يكون نطقه للكلمات سليم ومفهوم ولا تكلمينه بنفس نطقه هو للكلمات .

- احرصي على تحصين الطفل , علشان ترتاحين ان طفلك ان شاء الله مايضره شي وانتي مستودعته الرحمن , يعني ماراح تخسرين شي اذا عودتي هالطفل ينام على
سورة البقره , كلها دقايق حمليها من النت وشغليها بالغرفه عنده قبل ينام , واول مايصحى من النوم حصنيه واستودعيه الرحمن , وانا يابنات لما قلت تحصين
مااقصد الوسوسه بهالشي , لان بعضهم لو تقولين لها الله بنتك طالعه اليوم قمر , وقبل تنطقين ماشاء الله تنشب بحلقك قولي ماشاء الله , ولو تطيح بنتها
بالصدفه , قالت بسم الله على بنتي صابتها عين !
واللي قصدته انو الانسان يحافظ عالتحصين ويتوكل على الرحمن

- أي شي تعلمينه الطفل طبقيه عملي قدامه مو تنصحينه بشي انتي ماتطبقينه ! او تمنعينه من شي لانو غلط وانتي تسوينه !
لان مهما كان راح يستوعب انك تكذبين , ووقتها لك تتخيلين كيف نظرته لك !
و بعد كذا ماراح يثق فيك ولا يصدقك بأي نصيحه توجهينها له ولا راح يطبقها .

- ابعدي عن الدلال الزايد للطفل , لان هالشي راح يخليه مايعتمد على نفسه ابد , والمطلوب علميه وراقبيه من بعيد , بس اتركيه يعتمد على نفسه , لان بعضهم
مايعرفون يدافعون عن انفسهم حتى لو بالكلام , عندي صديقه من اول شهر زواج راحت لاهلها تبي تتطلق ليه ؟؟؟
تقول جرحني يقول انتي بياضك ماصخ !!!
صحيح هالشي ماله دخل بموضوعنا بشكل مباشر , بس شفتوا بناتكم واولادكم اللي تدللونهم بزياده, بيصيرون كذا اذا كبروا ع أتفه شي ينجرحون
و مايعرفون يدافعون عن انفسهم , ويمكن يجيهم اكتئاب بعد !
اتركوهم يعيشون الحياه , ويعرفون ان هالحياة فيها ناس خلوقه وناس لا , وفيها ناس امينه وناس خاينه , وفيها ناس كذابه وناس صادقه , خلوهم يحسون
بكل انواع الاحساس , سواء الحب او الشوق اوالغيره اوالغدر اوالخيانه أو الجرح , والمطلوب كونوا جنبهم وقت احتياجهم لوقفتكم
واغمروهم بحنانكم وساعدوهم يتغلبون على هالمواقف اللي يشوفونها , علشان يصيرون اقوى منها ويتعلمون منها

- ابعدي عن اسلوب الاطراء المبالغ فيه , يعني مو كل الوقت يافلان انت ذكي ولا اذكى واحد ! لان بعدين هالطفل لو يغلط اقل غلط راح يقول
عن نفسه انو غبي , وبيحس ان الغباء منه شي مو طبيعي وجريمه , وبتتعب نفسيته , لانو ماتعود على هالشي !
كوني واعيه بمدحك له يعني اذا صدر منه تصرف يستحق المدح امدحيه , واذا لا , لا تمدحينه
خليه يحس انو انسان طبيعي , اذا سوى شي يستاهل المدح راح يسمع اطراء , واذا ماسوى ماراح احد يثني عليه , ووقتها هالشي بيحمسه انو يبدع علشان يسمع المدح منك .

- ابعدي عن اسلوب النقد القآسي , لان هالاسلوب ممكن ينفع مع بعض الاجانب , ويطلع منهم اشياء حلوه , يعني الواحد اذا فشلتيه
وقللتي قيمة شي انجزه , يحطك في باله , وراح يكون كل الوقت يتحدى صورتك علشان يثبت لك العكس , وانو راح ينجح , لكن طبقي هالشي على عربي
والله بتاخذين ذنوبه , لان حتى لو كان طفل مبدع من كلامك له راح يتحطم ويكره هالشي بسببك , و اذا شخصيته قويه يمكن مايتحطم منك , لكن ماراح يظهر لك ابداعاته , ولا راح يهتم لرأيك لانك صرتي بنظره انسانه
ماتستحق تشوف ابداعه , ولا تستحق منه انو يسمع رأيها , واكيد السبب ورى هالشي هو الكرامه , علشان كذا انتبهي تقللين من قيمة شي انجزه الطفل
وكوني ذكيه واستخدمي معه اسلوب النقد البناء , يعني امدحيه واثني عليه وبعد كذا انتقدي
بلطف ولين ولباقه , وفيه بعضهم صحيح يستخدم هالاسلوب الحلو بالنقد , لكن تلاقينهم بعد المدح يقولون كلمة لكن او كلمة لو او كلمة بس وبعدهم النقد وهالكلمات بمدحك تطلعك كأنك تسبينه ماتمدحين , بتقولون كيف ؟ انا اقولكم بهالمثال
طفل يفهم يعني فوق ال 7 سنوات اعطاك رسمته , وقال ابي رايك فيها, ولنفرض بتقولين للطفل حلوه رسمتك (لكن , بس) (لو) حاط الورود بالوان كثيره كان طلعت الرسمه احلى !
الان شوفي الجمله غيرتها وحذفت كلمة لكن ولو وبس
حلوه رسمتك وبالذات الورود مره اعجبتني يا فلان ابدعت فيها , وبعد تخيلت هالورده حمراء وهالورده صفراء
وهالورد بنفسجيه , احسها بتطلع احلى واحلى صح ؟
صح انها طلعت سالفه مو رأي وبس , لكن هالشي بصالح الطفل , وماراح تخسرين شي , لو صار ردك له سالفه ماتاخذ منك اكثر من دقيقتين .

- فيه طريقة ثانيه بعد ماتنفع خصوصا اذا كان الطفل من النوع العصبي , وانا اشوفها بعد ماتناسب اطفال العرب نهائيا , وهي حبس الطفل الفوضوي بغرفة العقاب
لمده معينه أو في ركن
العقاب , هالطريقه مافيه امل تنجح , لان تخيلي واحد معصب ومسوي هوشه مع اخوه مثلا , وتجين انتي بكل برود تعاقبينه وتحبسينه بغرفه , وش ظنك بيصير فيه ؟!
متوقعه منه يهدأ ولما تجينه بيجيك يبوسك ويقول سوري ياماما انا غلطت !
انا بجاوبك احلمي يصير هالشي , وان صار فمعناه خوف منك او هروب من العقاب
مو اكثر , يعني ماراح يقتنع بخطأه وغير كذا شوفي وش كثر راح يكون ضرر هالشي ع نفسيته , يعني شخص معصب , ويجيه احد يرفع ضغطه زياده
ويحبسه , لا وبعد يطالبه بحبة راس واعتذار !
انا الاحظ امي اذا اختي العصبيه صلحت فوضى , تاخذها لغرفتها وتقفل الباب , وتجلس تقول لها انا احبك
وهالشي اللي سويتيه خطأ , لانو كذا وكذا و كذا ولو تكرر راح ازعل منك
وراح يكون فيه عقاب وووو الخ , وشوي تطلع أختي وتعتذر من اللي متهاوشه معه , وتروح تكمل لعب وهي عارفه وش خطأها ومقتنعه فعلا انها غلطت , واحيانا تعاند شوي وماتروح مع امي
اذا قالت لها تعالي معي نحكي بالغرفه , وتضطر امي تاخذها بالغصب , يعني اهم شي
تجلسين مع الطفل لو بالغصب , وتفهمينه انو غلطان وتقنعينه بخطأه .