مصطلحـات فاشـونيه | احفظيها واكشخي فيها

مرحباً صبايا كيفكـــــم ..

هالمره موضوعي اخذت فكرته من موقف صار لي , جلست أنا ووحده من صحباتي
وكنا نسولف عن المشتريات , جات هي تقول شريت من المحل الفلاني قطعه .... aa

وساعه تشرح لي كيف طريقتها ولا أنا اللي فهمت عليها :idea:
ولا هيا إللي وصلت لي المعلومه , لين بالاخير طلعت لي صوره بجوالها وقالت نفس هالطريقه

وبالاخير فهمت انها تقصد فستان قصته كوول نيك .. :yy:


فحبيت انزل المصطلحات لان بعضنا او اكثرنا صارت له مثل هالمواقف , تبين توصلين الفكره ولا تعرفي

البعض ماشاء الله يعرف يشرح القطعه وتتخيليها مضبوط , والبعض يجلس يخبص لك وتحسي قطعته بشعه من وصفه ..



الموضوع طويل .. لاتبدين فيه إلا وانتي مروقه ... نبداً ..

Evening Dress / ايفينق درس - فساتين السهرات




shirt dress / شيرت درس .. تعني الفساتين بشكل قميص ..



Blouse / نفس نطقنا لها "بلوزه"..



Top / توب ..



shirt / شيرت .. "قميص" القمصان الرسميه



Polo shirt / البولو .. تكون له ياقه اظن الكل يعرف البولو ..

T-shirt / التي شيرت .. عاده يكون قطني .. غير رسمي



Tunic top / تونيك توب او تونيك درس.. البلايز الطويله او ممكن تكون فساتين قصيره ..



Empire / إيمباير توب او إيمباير درسس .. القطع اللي تجي مآسكه عند الصدر او مثل "قصات الحمل"



high neck / هاي نيك .. "أم رقبه"




cropped / كروبيد او اختصار كروب .. "القصير او المقصوص "
بأول صوره على اليمين تسمى كروب بولو نيك , الثانيه تي شيرت كروب , توب كروب , و جآكيت كروب ..



نجي لشغله مهمه وغالباً البنات تخلط بينهم .. ايش الفرق بين الـ كارديغان و البلوفر !

cardigan / كارديغان "أو الكوزي" .. قريب جداً للبلوفر, بس غالباً يكون بأزارير او مفتوح ..



pullover or Sweaters / البلوفر أو السويتر ..

البلوزه الكامله وممكن تكون مفتوحه , وغالباً تكون مصنوعه من الصوف او القطن والالياف الصناعيه , تلبس فوق القمصان او التي شيرتات او لحالها ..




hoody / هوودي .. او مثل مانسميه "ترينق".. زي البلوفر , كيف تعرفيه ؟ من القبعه اللي وراء ..



Boyfriend jacket or Boyfriend shirt / جآكيت البوي فريند او شيرت البوي فريند ..

طبعاً مايحتاج اشرح منتشر بقوه وللحين موضته مستمره شتاء او صيف .. شيرت البوي فريند دائماً يكون وسيع ويلبس معه بنطلون سكيني او شورت ..



tuxedo jacket / توكسيدو جآكيت .. "الجاكيت الرسمي"

bolero jacket / جاكيت البوليرو "الجاكيت الصغير"



bodysuit/بودي سوت .. قطعه قديمه زي المايوه .. وملاحظه انهم بدو يرجعوا لها



Harem Pants / هيرم بانتس - او بنطلون علاء الدين ..

غالبا تجي واسعه من فوق وماسكه من تحت ,مايحتاج اقولكم شلون هي مريحه وساتره بنفس الوقت , تعجبني كـ ستايل كثيير ..



Short Pants / الشورت ..



Slacks Pants / سلاكس ..
اللي تجي بنفس السعه من فوق إلى تحت ..



Skinny Pants / بناطيل السكيني



High Waisted Pants / هاي ويستد - البناطيل اللي تجي بالخصر العالي

طبعا مو شرط هالي ويست بالبناطيل انتشرت من خمس سنوات بالتنانير كمان ..



pencil skirt \ بينسل سكيرت
اللي تجي ضيقه عالجسم , وأيضاً تسمى بالـ سكيني ..




Midi / ميدي - اللي من الركبه إلى نص الساق وأطول ..

maxi skirt & Maxi dress \ تنانير او فساتين الماكسي ..

طويله وواسعه , مريحه .



jumpsuit / جمبسوت .. "الشروال"



One shoulder / ون شولدر "كم واحد" , زي فساتين الاكمام الواحده.. تسمى ايضاً "الفساتين الرومانيه"



Off-the-shoulder / اوف ذا شولدر .. اللي تجي بدون كتف ..



printed / برينتد .. "الطباعه"




cowl neck \ كوول نيك
ايش هو الكوول نيك ؟ هي لما تكون الياقه واسعه وطايحه للصدر .




ruffle \ الرفل "الكشكشه"



Drape / درابي ... "الثنيات" اللي غالباً تكون في الفساتين .



sheer / شير .. "شفاف" تجي شيرت شير .. او شيرت درس .. شيرت سكيرت ..



tiered / تريد .. "الطبقات" .



Vest / فيست .. او مثل مايسميها البعض "صديريه"



sequins / سيكوينز .. القطع اللي تجي لماعه مثل"الترتر"



fringed / .. "الهدب"

zipper / زيبر .. "السحاب"



Scarves / سكارف .. "الوشاح" او "الشال"

استخداماته متعدده , انا عن نفسي اخذ لي 2 او 3 تقريباً كل سنه ..



Ties / تآي .. "الكرفته"



belts / بيلت .. "الحزام"



heels / هيلز .. "الكعب العالي"



wedge / ويدج .. اعرف ناس تسميها "بلكه"

هالنوعيه مريحه وحل وسط للي ماتعرف تلبس الهيلز ..



Slippers‏ / سليبرز .. "شباشب البيت" أو "شباشب دورات المياه .. تكرمون "



flats / فلات "الجزم المسطحه"



Tights / التايت .. بمعنى آخر "الهيلهوب"



Leggings / ليقنز .. زي البنطلون الداخلي يلبس تحت البلايز الطويله او الفساتين ..



Leg warmer / ليق وارمر .. "شراب شتوي ومفتوح من الجهتين"



Bowler Bags / بولر بآقز - الشنط الواقفه وغالباً تمسك بالذارع , شيييك .



Tote Bags / توتي بآقز - الشنط العمليه , للجامعه والمدراسه ..



Clutches \ كلتش , شنط السهرات الصغيره ..

Earring / إيرينق .. "الحلق" أو "الخماخم" .. Bracelets / بريسلتز .. "سواره"
Necklace / نيكلاس .. "العقد" "السلاسل" .. ring / رينق .."خاتم"



Brooches / بروش .. Watches / واتش .. "الساعه"
Sunglasses / سن قلاسس "النظاره" ... anklets / انكليت .. "الخلخال"



Tiger / تايقر .. "نقشه النمر" Leopard / ليوبارد .. "نقشه الفهد"
snake / سناك .. "نقشة الثعبان" Zebra / زيبرا .. "الحمار الوحشي"







__________________________




نجي لآخر شيء وهي مسميات بعض الاقمشه ./

leather / لذر .."جلد" ..



Chiffon / الشيفون ماغيره



velvet / فلفت .. "المخمل"



Taffeta / تفته .. تنطق " تَـفْـتَـاَ " راقي جداً , يجي على حرير , غالباً واقف ويعطي فخامه يحبونه العرايس عاده



Silk / سيلك .. "الحرير" .. ناعم وخفيف وغالباً يكون طايح .. يجي بلمعه او بدون ..



Satin / الساتان ..من انواع الحرير , لماع يجي اثقل من الحرير واقوى ..



gauze / قآيز.. زي الشاش بالضبط من انواع القطن ..



Lace / لاسي .. وهل يخفى القمر "الدانتيل" عباره عن نسيج محبوك حبك , من الالياف الصناعيه والطبيعي






والحمد لله خلصت الموضوع , ويددددددددددددي تكسرت عشانكم

عاد جاملوني بتقييم و ردود حلووووة

وأي أي غلط ياليت تصححونه لي .. أتمنى تستفيدون من الموضوع .. :!:

ماشاء آللهـ
ابددددعتي صراااااااحة

يعطيكيــ العافيه والـلـهـ

نااايس

واخيراا بنحصل اختصاار لوصف
الملابس
مرره ثاانكسس